حلول مشاكل النت ..تصفح..تحميل..شات مع اتصالات

السلام عليكم و رحمة الله و بركاته


انا في الموضوع ده بخص بيه الموبايلات التانية - غير النوكيا- و النوكيا برضه مفيشمشاكل بس انا من أعداء النوكيا للـ مش عارف و كاد أبو زياد انه يغير من فكرتي ناحية النوكيا لكن أنا مش بقبل النوكيا و عرفت أتغلب علي مشكلة الساموسنج بتاعي....

دلوقتي احنا عندنا شريحة اتصالات و حيرانين نبدأ منين و نروح فين هقولكم أنا....

التصفح و الدولنلووود

أولا بالنسبة للموبايلات البسيطة الغلبانة ال فيها جافا تعبانة زي السامسونج او اي موبايل امتداد الشاشة 128x160 و أيضا اي موبايل نوكيا ..من الاخر كده اي موبايل و خلاص....

هنبدأ مع أوبرا 4.3 هاندلر 200 بيتا 4احدث نسخة مرفوعة من أسبوعين علي النت...
من هنا رابط ساخن مباشر 

في تليفونات النوكيا المحظوظة بتخش علي طول يدوبك بيسطبها في ثواني أما في تليفونات الناس التانية ساعات بتحتاج ملف .jad و المشكلة ان انا جربت اعملها كذا ملف تعريف بس مش راضي يقبل التسطيب فاضطريت انزلها مباشرة من نت الموبايل و علي العموم ممكن تليفونك يقبل الملف يبقي تنزل الجاد ميكر او صانع ملفات الجاد...
من هنا رابط ساخن مباشر

التعامل مع البرنامج سهل ..تفك الضغط..في فولدر..تفتح البرنامج و تسحب ملف برنامج الجار و هو في حالتنا هنا الاوبرا هانلدر و تحطه علي واجهة الجاد ميكر و هو هيعملك ملف الجاد....

كده خلصنا من مرحلة التسطيب.... بالنسبة للتشغيل كأي اوبرا هانلدر بس فيه ميزة..ده مش زي اي اوبرا هانلدر..ده لانه احدث اصدار بالهاندلر الجديد و كمان بيشتغل علي اي تليفون بسلاسة تامة....

اول ما تفتحه تنزل تحت لحد Primary Server
و تخليه....
http://10.71.249.234.server4.operamini.com:80
و ضيف بعد الرقم 80 علامة /
و بعدين هيجي دور ال Secondary Sever
تخليه....
socket://10.71.249.234.server4.operamini.com:1080

و تنزل تحت لحد FrontQuery
تخليه....
10.71.249.234

بعدين تنزل تحت لحد ما تلاقي كلمة Remove Port ... علم عليها

تحتيها الـ Proxy Type
تخليه.... HTTP
و تكتب في الـ Proxy Server
10.71.249.234

لمزيد من السرفرات من هنا

و بعد كده Save هيبدأ التسطيب

أثناء التسطيب الداخلي للبرنامج هيطلب منك استخدام النت هتقوله موافق و هتختار نقطة اتصالات واب Etisalat Wap الأصلية - يعني متكنش لعبت فيها-
و بالنسبة للسامسونجية المفروض تبقو مختارنها اصلا قبل ما تفتحوا البرنامج ..طبعا بتخش علي Settings و بعد كده Application Settings و بعد كده Browser و بعد كده Profile Settings و اختيار Etisalat WAP.....

البرنامج خلص التسطيب الداخلي بس ممكن مش يخش نت من اول مرة او اساسي -حصلت معايا- من تاني مرة و هكذا..تعمل ايه........

اول ما يفتح معاك هتخش علي اي رابط في الصفحة الرئيسية Start Page هيقولك Connecting تحت لكن هو لا بيعمل كونيكتينج و لا بينيل... تعمل Stop و تضغط تاني ..آآه ..هنا بقي يقولك Failed to connect to the internet
و السبب Missing Port
تقوم في نفس الصفحة ال فتحتلك دي تضغط علي Click here to start the connection test .. يقوم هوبا..يا حلاوة يا ولاد..يقولك You have a working network connection طب ما كان من الاول و تلاحظ علامة ال E ظهرت او ال 3G في التليفونات الحديثة...تقوم..قايم ليه؟؟ متقومش..عيش يا معلم نت و داونلووود!!!!!


بالنسبة ال عايز يستخدم برامج المدونة او المنتدي بتحتاروا - و الكلام ده لغير النوكيا - في عمل نقطة وصول عدلة عشان التصفح ...
الحكاية كلها في كلمتين : ده تليفونك و لا تليفون الجيران؟؟؟
اعرف تليفونك و نخور فيه ..-أنا في 3 ايام بعد ما جبت موبايلي عرفت عنه كل حاجة-
النقطة هنا انك تدور يأما في اعدادات متصفح التليفون الـ Browser ساعات بيبقي مكتوب Intertnet
او انك تدور في اعدادات تليفونك الرئيسية و تدور علي كذا كلمة بتتكرر يأما Access Points أو نقاط الوصول و دي بتلاقيها في اي حاجة تدخل فيها كلمة اتصال او Connection

ها وصلت؟ لما توصل للإعدادات بتعمل نقطة وصول جديدة تسميها اي حاجة ... نيجي بقي للمهم...
دور علي Bearer تأكد انها GPRS أو ما هو اعلي بس مش GSM
دور علي الـ APN بمعني اسم نقطة الوصول - وده غير اسم النقطة الوصول ال بتحطه بره من اختراعك- و بتخليه etisalat راعي الحروووف سمووول small مش كابيتال
طبعا مفيش يوزر نيم او باس User name or Password
في بعض التليفونات زي النوكيا -أووففف- بتلاقي يقولك اتصال آمن و لا عادي Secure or Normal هتقوله Normal
دور علي الـ Proxy Settings او اعدادات البروكسي أو GPRS Settings أو في النوكيا هتضغط Options و بعد كده Advanced Settings و بتكتب البروكسي ده
server4.operamini.com
و تختار البورت Port يبقي 80
في السامسونج و غيره لو مش تقدر تكتب حروف -يعني تكتب ارقام بس- هتكتب في البروكسي IP الارقام دي 82.145.209.253 وبس كده احفظ نقطة الوصول و خليها افتراضية و عييييش...

الشـــــــــــــــــــات

 لينك مباشرة عشان لو بتنزل من الموبايل و هي نسخة eBuddy 2.20 بيتا هانلدر 200 بيتا 4 ...
من هنا رابط ساخن مباشر

و أحب أضيف اعدادات أخري....

في الـ FrontQuery
خليه 10.71.249.234

و بعد كده تحت اختار Proxy Type
هيبقي HTTP
و في الـ Proxy Server
خليه 10.71.249.234
و Save و اثناء التستيب يرجي اختيار نقطة وصول Etisalat WAP الأصلية



كل ما ذكرته يعمل 100% لا 200% كمان مع العلم انه تم تجربه كل ما ذكر علي ...
Samsung SGH- E250i بنجاح ساحق

و أيضا Nokia 7610 لكنه فشل فشل ذريع لسبب لا أعرفه (تقريبا عشان قديييم قوي!)


ملحوظة للسامسونجية: ممكن تعدل في الجافا ميموري أو رامات الجافا Java Heap
اطلب *#52828378#
ابدأ بنجمة شباك خمسة اتنين الخ هيفتح معاك Java Test Menu
هتروح علي Memory Test
و تخلي الجافا هيب و الميدب هيب Java Heap and MIDP Heap تخليهم 2100 الاتنين و تعمل Save ....

ساعات مش بيقبل برامج مساحتها كبيرة 300+ KB يبقي تعمل ايـــه..في نفس القائمة هتخش علي OTA Test و تخليه مثلا 4000 و Save و متنساش تعمل كده كل م التليفون يرستر.

ملحوظة مهمة أخري: لو حابب تحمل برامج من علي نت الموبايل يبقي تعدل في الجافا ميموري وتخليها 1000 للجافا هيب و 1400 للميدب هيب زي ماكنت و بعد م تخلص داونلود و تسطيب علي النت رجعهم زي م كانوا.